Xa rematado o curso, queda subir ao blogue algunhas das actividades sobre as lecturas das que fostes vendo algunhas cousas no noso Facebook e na páxina de Instagram.
Un dos autores deste curso en que quixemos colaborar co proxecto da escola "O Noso" foi Séchu Sende.
"Nom fagas caso da gente que di
que as palavras nom mudam o mundo!",
SÉCHU SENDE,
A República das Palavras, Através Editora 2015
Os dous libros que lemos, Animais e A República das Palavras, están publicados por Através Editora.
Non hai nada máis noso que a lingua que falamos e a terra que pisamos. A chamada de atención para protexer o noso medio (o natural e o lingüístico) é precisa e urxente. Por iso escollemos estes libros.
E neste artigo podes encontrar algunha información sobre Animais, Através Editora, 2010.
Séchu visitou o clube en febreiro, fixemos unha sesión de hipnose, falamos dos seus libros, de lingua, recitamos dous poemas que acababa de divulgar no seu Facebook e asinounos algúns dos exemplares para a biblioteca. Tamén nos deixou este fermoso debuxo.
Aquí tedes un vídeo dun dos poemas lidos con Séchu nese día
Na Festa das Letras, no mes de maio, recordamos Séchu e os seus poemas.
Uxía e Sheila, de 1º da ESO, ou o alumnado de 3º tróuxonos de volta neste día as súas palabras.
Ningún comentario:
Publicar un comentario